RAURICI vel RAURACI

RAURICI, vel RAURACI

populi veteris Galliae Celticae, quorum tractus Urichia in valle Iurassi, antiquum nomen redolet. An quasi Rauchracher, quod terra prope Rauricam August. in asperas coeat fauces? an quasi Rauchaker, a soli asperitate et tenacitate? Regio eorum, inter Helvetios et citeriores Sequanos, Rhenô flumine terminata, provinciae Sequanorum magnae a Romanis quondam attributa est: Triquetra est, namque versus Ortum et Occidentem in binos contrahitur, et quasi fastigiatur, angulos, tertiô versus Boream protenditur. Maius Austrinae plagae obiectum latus, Iura mons repraesentat; reliqua latera, Rhenus quidem versus Septentrionem, et Ortum, Birsa vero fluv. ad Occasum claudunt. Ortivum angulum Confluentia Helvetica tenet: In Occiduo cardine, sunt Portae rupis perforatae, quae Rauricos eum Aventicis committunt: Borealem angulum Basilea occupat, sub elevatione poli 47. graduum cum besse. Terra haec omnis fere montibus obducta est, utpote a Iurasso plurimis rupibus et collibus, ramorum instar emissis, exasperata, fertilis tamen in plurimis montium atque coavallium locis et egregie habitata. Solus tractus circa Deli oppidum, vulgo Delsperg ad Portam

usque petraeam asperior est. Flumen in mediterrancis nullum praeter Aergitiam, non tamen ratium potentem. Sub Caesare Raurici, gens tum libera, una cum helvetiis, novas sedes quaesitum, ad 23000. regione flammis vastatâ emigrârunt. Victi, Romanorum passi sunt iugum: sub Augusto colonis huc missis res eorum augustiores esse coepêre, princepsque urbs, iam pagus exiguus, amplior reddita est. Sequentibus saeculis, Alemanni in has partes concessêre, quorum rebus Francicâ potentiâ obtritis, regio Austrasiae regno contributa est. E quorum principum posteritate, ante saecula aliquot terrae huius imperium habuerunt Comites Rinfeldenses, Habspurgii, Homburgenses, Uroburgenses, Tiersteniani, et Sogerenses. Harum familiarum quas primaeduae possederunt, ad Austriorum Archiduces: quas intermediae, ad Basilienses, devolutae sunt: reliquarum ditiones partim ad Episcopum Basileensem, ad Solodurenses partim pervenêre. RAURICAE REGIONIS URBES ARCES, PAGI CELEBRIORES: Augusta Raurica, caput olim gentis, nunc viculus, hodieque Augst. Basilea, in prioris locum successit, Basel. Birseck, Arces. Dorneck, Arces. Gilgenberg, Arces. Homburg, Arces. Lauffena, Oppida Lauffenberga, Oppida Liechtstallum, Oppida Monchenstenium, castrum cum pago. Ramstenium, arx. Rinfeldia, oppid. Sacconium, Säckingen, oppid. Telimontium, Telsperg, oppid. Sisgoia, tractus in agro Basileensi. Sougeres, vicus. Varnspergia arx, caput Comitatus cognominis Uroburgum, arcis rudera. Waldenburgum, oppid. Waldsbutum, similiter. Wartenburgum, arxeversa. Wildenstenium, castrum fossis munitum. Zuingense castrum, Birsaeimminens, etc. COENOBIA RAURICA. Bellelagium, Bellelay. Grandis vallis, Monster in Granvalt. Beinwila, Beinwiler. Lucela, Lützel. Michelveldia. Arcta vallis, Engenthal. Rothusium. Olspergium. Iglinga. Vallis speciosa, Schonthal. Seckinga, universae regionis antiquissimum et nobilissimum. E quibus Michelveldia iam Pandochium est; Arctâvalle, Beginae expulsae sunt, A. C. 1411. Rothusii sodalitium aliquot eremiticam vitam profitentium iamdudum defecit: Iglinga solô curatore hodie administratur, nomine Abbatissae Olspergensis. Vide Christ. Urstisium, Epit. Hist. c. 1. 2. 3. 4. et supra in Munative Plancus, Item Rauraci. FAMILIAE ILLUSTRIORES, QUARUM DOMINIA IN HOC TRACTU FUERE. Bernovii, Nobiles. Bubendorfii, Nobiles. Efringii, Nobiles. Eptingenses, Nobiles. Falcostenii, Barones Habspurgii, Comites. Homburgii, Comites. Kienburgii, Barones Monachi, Nobiles Ramstenii,

Barones Rigoltschwiler, Nobiles Rinfeldii, Comites. Sougerii, Comites. Tierstenii, Comtes. Uroburgii, Comites. Zilempii, Nobiles, etc.